شاهد الفيديو| سوسن بدر: اتحبيت كتير وعشت الخيانة.. هي “شاكيرا” خانوها.. بقت عليّا؟

رصد – فيوتشر21
كشفت الفنانة المصرية سوسن بدر، عن الكثير من الأمور التي تخص حياتها العاطفية للإعلامي عمرو الليثي في تلفزيون “الحياة”، وأكدت على أنها لا تسامح في الخيانة والإهانة والكذب.
وقالت سوسن “أنا اتحبيت كتير من برة وجوة الوسط الفني، لأن أنا بحب بجد، ولما ببقى زعلانة من حد بقوله أنا زعلانة منك، ومافيش ما يدعو لخلافات حادة وعميقة ومعارك دامية بين البني آدمين، إلا لو حاجة متعلقة بالكرامة أو الشرف”.

سبب فشل زيجات سوسن
وأوضحت الفنانة سوسن السبب وراء فشل زيجاتها، وقالت: “مافيش نهايات بتُفرض ولا بدايات بتُفرض. إنما أنا عملت اللّي المفروض كنت أعمله ساعتها، يمكن النهاردة بعد العمر وبعد التجربة وبعد الخبرة دي، تسألني في موقف معين كنتي حتعملي كدا؟ حقولك آه. كنت حعمل. لأن فيه مبادئ مش حتتغير وفي حاجات مش حتنازل عنها زي الإهانة والخيانة، وأنا عيحشتهم الاتنين ومافيش حد مش عاش الخيانة.. دي شاكيرا اتخانت”.
وتابعت سوسن بدر قائلة: “فيه حاجات تسامح فيها وفيه حاجات لا.. وأنا حفوت لو لحظة عصبية، بس ما أفوتش الخيانة والإهانة والكذب”.
وعن تفكيرها في الارتباط مرة أخرى، قالت سوسن بدر: “لو جالي واحد عايز يتجوزني دلوقتي حقوله لا.. وحشكره على العرض. بس أنا النهاردة بقى عندي متطلبات وطموحات تانية بعملها في سني دا. وبالتأكيد الحب مالوش سن”.

علاقة سوسن بدر بابنتها
وتحدثت الفنانة سوسن بدر عن علاقتها بابنتها وقالت: “بحب لقب أم ياسمين جداً، واكتر حاجة كنت حريصة عليها وأنا بربّي ياسمين، أن تكره الكذب، وكنت ساعات بضربها لو عملت نفس الغلط مرتين، بس هي دلوقتي مش بتضرب عيالها خالص”.